Miljøsmart grilling

Det er lite som toppar det å nyte eit betre måltid ute i det fri. Her er tips til korleis du vel miljøsmart grill og grillmat:

Vel fleirbruksgrill

Svanemerket meiner at kolgrill er det beste alternativet, medan gassgrill eller elektrisk grill er eit alternativ som forureinar lufta mindre. Forskjellane er små, det viktigaste er at du vel fleirbruksgrill.

Vel rett kol

Sjekk at kolet kjem frå sertifisert skog - Svanemerka eller FSC, og dropp tennvæska, bruk brikkettar, konglar eller grillstartar i staden.  

La grønsakene spele hovudrolla

Kva med grilla aubergine og squash med gode dippar som hummus og tzatziki? Grillspyd eller bakte grønsaker er også ein slager. La deg freiste av inspirerande grilloppskrifter på  frukt.no.  

Lag ein god burgar, variasjonen er uendeleg. For å gjere det enklast mogleg kan ein grille portobellosopp eller halloumi, som begge blir saftige burgarar. Ein kan også lage gode burgarar av bønner, linser, raudbeter eller søtpotet. Sjekk ut Veganmisjonen sine mange ulike variantar.

Prøv noko nytt på grillen. Kanskje vil ein prøve seg på pulled jack fruit , ein kvit pizza eller kanskje grilla blåskjel?

Tilbehøret får også plass på grillen. Rykande ferske focaccia smakar godt til grillmaten. Det same gjer ein grilla potetsalat.  (Foto: brodogkorn.no /Nadin Martinuzzi)

For mange er desserten prikken over i-en etter eit godt måltid. Prøv å legge banan, melon eller ananas på grillen  for ekstra sødme, og server med nøtter, is eller litt sjokolade.