Kontakt oss

Telefon: 22 03 31 50
E-post: post@framtiden.no
Mariboes gate 8

Støtt arbeidet vårt

Liker du arbeidet Framtiden i våre hender gjør? Med din støtte kan vi gjøre enda mer.
Bli medlem nå!

Ja til miljørabatt!

Kutt moms på reparasjon og utleie av klær, utstyr og elektronikk!
Les mer

Vi jobber for etisk og miljøvennlig forbruk

Tener 90 øre per t-skjorte

Tekstilarbeidaren i India sit igjen med småtteri etter å ha sydd ei t-skjorte som blir seld på den norske marknaden.

Tekstilarbeidaren i India sit igjen med småtteri etter å ha sydd ei t-skjorte som blir seld på den norske marknaden.

Ei ny komponentanalyse som Framtiden i våre hender har utarbeida, viser kor pengane i ei vanleg t-skjorte ein får kjøpt i Noreg, fordelar seg. Arbeidarane sit igjen med lommerusk.

Syaren, som ofte jobbar på akkord i farlege fabrikklokale, sit altså igjen med 0,89 kroner, avrunda til 90 øre, som er 0,6 prosent av utsalsprisen på t-skjorta. Til samanlikning sit butikken som sel t-skjorta igjen med 38,5 prosent, altså 57,37 kroner avrunda til 57 kroner.

Halvparten av utsalsprisen, før moms blir lagt til, er butikken si forteneste.

Fabrikken i India får 5,96 kroner, avrunda til 6 kroner, som er 4 prosent av utsalsprisen. For dette skal fabrikken til dømes betale løna til syarane. For å sikre flest mogleg oppdrag frå kjedene opplever fabrikkane eit stadig press på å seinke kostnader. Kostnader for fabrikken utgjer 1,34 kroner (0,9 prosent) av prisen på t-skjorta.

Sjølve kleskjeden sit igjen med 17,88 kroner, avrunda til 18 kroner, eller 12 prosent. Like mykje pengar går med til materialkostnader for å lage t-skjorta. I denne utrekninga er det lagt opp til at bomullen er Fairtrade-merka.

Andre kostnadar er transportkostnader, som utgjer 11,92 kroner, avrunda til 12 kroner (8 prosent). Mellomledda utgjer 5,96 kroner, avrunda til 6 kroner (4 prosent). Til slutt blir meirverdiavgifta på 25 prosent lag til. Denne blir på 29,80 kroner, avrunda til 30 kroner og utgjer femtedelen av den endelege utsalsprisen på t-skjorta.

Utgangspunktet for tala i analysen er henta frå Fair Wear Foundation.

Liker du arbeidet Framtiden i våre hender gjør? Vi finnes bare på grunn av den økonomiske støtten fra de over 30 000 medlemmene våre. Desto flere som støtter arbeidet vårt, jo større påvirkningskraft har vi også i møte med myndigheter, politikere og næringsliv. Bli medlem i dag!

Relaterte artikler