• Vi gir støtte til energi- og klimatiltak.
Framtiden i våre hender

– Kjøpekarusellen kan ikkje halde fram

Framtiden i våre hender er blant dei skarpaste kritikarane av den norske overfloda. KrF og Senterpartiet er samde: I Noreg er det for mykje fokus på vekst.

shopping-jenterKor mykje fleire klede og bilar treng vi? Materiell vekst i Noreg er lite berekraftig og urettferdig. (Foto: flickr.com)
Det er i ein artikkel i Klassekampen KrF og Senterpartiet støttar Framtiden i våre hender.

– Det er eit einsidig fokus på vekst her til lands, og altfor få miljø som vågar diskutere grensene for kor mykje fleire klede og bilar vi faktisk treng, seier Trygve Slagsvold Vedum, nestleiar i Senterpartiet til avisa.

Framtiden i våre hender har tidlegare vist at det ikkje er mogleg å kombinere enorm materiell vekst med klimakutt.

Klassekampen synte i sin artikkel at den økonomiske veksten stoggar opp i heile den vestlege verda. Svaret dei fleste statsleiarane har komme opp med, er å få veksten i gong så snart som råd for å betale gjeld og få folk i arbeid. Her til lands frontar stadig fleire det upopulære standpunktet om at nordmenn snart må vere mette nok.

arild180250Arild Hermstad.– I rike land som Noreg har vi lenge trudd at vekst skulle løyse alle utfordringar. Men framleis materiell vekst i Noreg er lite berekraftig og urettferdig, meiner KrF-leiar Knut Arild Hareide. 

Arild Hermstad, leiar i Framtiden i våre hender, syner til at «nullvekst»-synet får stadig meir merksemd internasjonalt: I Barcelona møttest meir enn 500 forskarar, fagorganiserte og aktivistar på «Degrowth»-konferansen i fjor. Saman diskuterte dei korleis ein solidarisk, krympande økonomi kan fungere. Ein ny konferanse er på trappene i Venezia neste år.

– Det Noreg burde gjere, var å setje eit absolutt tak på kor mykje av naturressursane det skal vere lov å nytte. Noreg er godt rusta til å bremse veksten, fordi vi ikkje har dei akutte problema som andre europeiske land har no, meiner Hermstad.

Senterpartiet og KrF er samde med Framtiden i våre hender om at det trengs nye mål på kor godt folk har det enn berre kor store materielle verdiar vi produserer og forbrukar.

– Oss politikarar har som mål at folk skal få det betre. Det er ingen politikar som har som mål at vi skal doble forbruket vårt. Men når BNP doblar seg, er det nett det som skjer. Vi kan ikkje berre halde fram med den gamle kjøpekarusellen, det vi treng er nye mål på velferd, seier Trygve Slagsvold Vedum i Senterpartiet.

Det anerkjende forskingsinstituttet Worldwatch Institute har rekna seg fram til at ein treng tre og ein halv jordklode til om alle skulle ha eit norsk velstandsnivå.
blog comments powered by Disqus
Framtiden i våre hender arbeider for:

  • At det skal bli billigere og lettere å velge miljøvennlig.
  • At miljøskadelig forbruk begrenses.
  • Informasjon på alle varer som viser miljøbelastningen ved produksjonen.
  • At nordmenns forbruk blir grønnere og mer bærekraftig.

Meld deg på vårt nyhetsbrev

Motta siste nytt fra oss på E-post.



Joomla Extensions powered by Joobi
- Annonse -